拳王泰國餐廳 (已結業)

两丁友系铜锣湾，百无聊啦咁行行到一条唔起眼嘅街道，发现左间拳王泰国餐厅 最吸引眼球嘅，当然系拳王呢两个字拉望入餐厅仲见到有唔少腰带就胆粗粗入咗去食个晚饭小薯仔最关心嘅其实都系嘢食 铁板蚝饼坚系用铁板上，而讲真𠮶句，呢度嘅蚝饼分分钟畀出面大排档既更好 首先蚝仔多、蛋浆系比较松软，唔会太有硬身嘅质感 而大排档成日都overcook，好㶶咁泰式明炉蒸乌头小薯仔本人都好钟意泰式明炉 ，因为仲可以呃到一碗冬阴功汤返黎饮 乌头胜在肉厚，啖啖肉本身鱼肉就咁吸受左汤既精华，都会有鲜味但食泰国菜就系钟意佢够惹味，又点可以唔点埋佢嘅酸辣汁 温馨提示:系明炉keep住煮条鱼，唔快快手清晒条鱼，鱼肉就会变老蛋包泰式炒金边粉 哗!  点解咁靓嘅，同我中学学生的时期，系饭盒入面果D金边粉真系差天共地入面有虾、豆腐干、虾米、韭菜、银芽配料都认真唔少，但最赞嘅系佢炒到嘅𠮶个镬气，真系此气只应天上有而佢唯一既缺点就系:要快啲食啰!如果唔系佢嘅镬气，系会随时间所流失，金边粉会由干干地，被蒸气所伤，变返软淋淋既质地好似食咗唔少热气嘢所以饮返杯珍多冰，椰青，减轻返个罪疚感