香港地 (已結業)

星期六OT完攰攰地唔想四围揾食，于是近近地试吓香港地，平时成日经过都冇试过，只系见佢装修有啲特色怀旧港式风味，以为都系一般茶记食物所以冇谂过帮衬。今次第一次嚟食晚餐，晚餐都有好多选择多数都系家常菜式，价钱七十几至80几蚊，但冇包嘢饮，加杯嘢饮都差唔多$100其实都唔平㖞！拣咗一轮，我哋都系选择一个二人晚餐$162，因为性价比最高，有两款小菜两碗白饭仲有一个原盅老火汤，我比呢个老火汤吸引，佢都几大堡架，仲有汤渣，每人饮四碗仔！小菜份量原来都几大份，一个女仔未必食得哂。我哋点左茄子煎仓鱼，鱼都几大条，酱汁入味，另外芋头排骨煲都十足料，味道都有大酒楼水准。胜在唔洗加一，当去咗小菜馆食下住家𩠌，唔洗自己煮同洗碗，都唔错呀！今次咁啱Eatizen 有$20 coupon , 用埋佢又悭廿皮！