香港地 (已結業)

星期六OT完攰攰地唔想四圍搵食，於是近近地試吓香港地，平時成日經過都冇試過，只係見佢裝修有啲特色懷舊港式風味，以為都係一般茶記食物所以冇諗過幫襯。今次第一次嚟食晚餐，晚餐都有好多選擇多數都係家常菜式，價錢七十幾至80幾蚊，但冇包嘢飲，加杯嘢飲都差唔多$100其實都唔平喎！揀咗一輪，我哋都係選擇一個二人晚餐$162，因為性價比最高，有兩款小菜兩碗白飯仲有一個原盅老火湯，我比呢個老火湯吸引，佢都幾大堡架，仲有湯渣，每人飲四碗仔！小菜份量原來都幾大份，一個女仔未必食得哂。我哋點左茄子煎倉魚，魚都幾大條，醬汁入味，另外芋頭排骨煲都十足料，味道都有大酒樓水準。勝在唔洗加一，當去咗小菜館食下住家餸，唔洗自己煮同洗碗，都唔錯呀！今次咁啱Eatizen 有$20 coupon , 用埋佢又慳廿皮！

追咗兩次單,等左二十分鐘,嚟隻超爆又乾曬既熱狗,叫佢換過侍應就叫我哋食第樣,又費事再等,食咗走人就算,侍應見到燶晒都照樣上枱給客人吃,食物質素普遍都下降,喇沙味好淡,所有嘢都好難食!

我去香港地嘗試過一吃它的早餐和午餐，都是非常抵食，而且食物材料很豐富，性價比很高！❤️❤️早餐去吃他的常餐，食材非常豐富，而且尚算新鮮，配搭着一碗湯麵，再加上飲品，非常滿足，而且十分飽！午餐方面，選擇都很多元化，炒粉、炒麵、炒飯等必然有，不過有時候我會覺得比較濃味一點，大家可以叫侍應調節一下🤣🤣但是價錢是非常抵食，比一般傳統茶餐廳還要便宜，因此你會覺得物有所值的！至於環境方面，因為是比較小的鋪，枱與枱之間比較迫，但還可接受的❤️

香港地身為連鎖式茶餐廳，服務都不用有期望了，但作為手機自己落單，飲品沒有選擇糖、奶、冰的份量就被其他餐廳比下去。下午茶的炒粉麵飯雖說是比正常的少，但都足夠。熱奶茶- 茶味香濃，口感夠滑。星州炒米- 咖哩味足，炒得乾身每條分明，爽口，餸料足夠，蝦都大隻又爽口。凍檸茶- 好大杯，夠檸檬味，茶味都濃。亁炒牛河- 感覺不是即炒、不夠鑊氣，幸好還夠乾身，一條條河粉分明，味道適中，配料都足。唯一不習慣是凍飲要加四蚊。

真的已經忘記上次去將軍澳係幾時，今晚同埋一班朋友去pop corn食飯，大家要快食，因book了去打乒乓波和打保齡球，一定要搵間快出菜嘅食店，故就去咗這間食店了。叫左口水雞有少少麻辣味，幾好味啊，熱辣辣雜菜煲足料不覺得太咸，咕嚕肉配料多過肉，好細舊，多番少少就得體D！仲有叫咗豆豉蒸䱽魚，好好味！茄子煲味道一般不過不失！座位算多坐得舒服，我叫咗杯熱咖啡☕️0K喎！好飲嘅有驚喜！七個人埋單五百幾蚊，抵食👍🏻

Ordered the fried egg with spam and beef rice. My friend and I were both immediately inflicted with food poisoning. Unfortunately, my friend is worse for wear as she is still recovering from severe symptoms since she last ate the food, which was 6 days ago. The bacteria appears to be quite a severe one as well as it was unresponsive to antibiotics. Eat at your own risk. 

佢放低杯咖啡，我聽唔清楚佢講咩，只問呢杯係咩嘢（咖啡、啡走），佢就發癲，我哋都唔知有咩好發癲！當時只好講聲，「我哋聽唔清，問一句姐！」真係唔明點解，比錢食飯都要受氣⋯⋯

八十几元的xo 西芹炒蝦球先不說只有五隻，冇鑊氣又賣相差。上午個廚好好多。我係因為食咗好几次才去吃晚飯，想唔到可以這樣差。極度失望。希望當事人看到這個評估反醒一下

夜晚禁堂食所以喺香港地買外賣，買咗一個鮮蝦楊州炒飯炒飯都炒得唔錯，粒粒分明，配料亦有火腿同埋雞肉，火腿同埋雞肉味道都唔錯，熱辣辣都幾好食.另外網上落單有八八折，算幾抵食

好耐之前幫襯過一次，同樣係XO醬豬扒炒公仔麵，果次係超級鹹， 鹹到食唔落。事隔好一段時間，諗住可以俾多次機會再試下，點知竟然仲衰過上一次！個公仔麵本身係已經煮到發晒嗰隻，所以之後炒完都係淋過乜咁，一丁點咬口都冇;調味方面，一丁點XO醬都食唔到，佢應該係唔記得咗落！只係勁重嘅老抽同豉油味，仲要係超重手， 鹹到痴線！呢間野嘅廚房佬到底係咪全部都係零經驗嘅廚房學徒嚟？稍為有些少居家煮食經驗都冇可能煮成咁！仲要賣成$64，呢間野真係可以永久blacklist！

今晚去香港地用YUU10000分換左一盒鮮蝦楊州炒飯。配料超級多，有叉燒、蝦、滑蛋、菜粒、火腿、炒飯底。蝦好新鮮，每粒飯都比蛋包住，香噴噴，熱辣辣，非常好味😋

因為某個原因, 這家美心集團的茶餐廳勁派現金劵. 典解?  你懂的!    了解現金劵使用方法後, 就在 <蝦仔老豆> 即係<小米之父>的生日飯到此慶祝.  剛好餐廳當時推出胡椒豬肚雞套餐, 再加一份小菜, 就足夠一家几口的份量了!     胡椒<豬肚>海鮮雞            其實是胡椒豬肚雞湯再加几件蝦&青口就變為<胡椒海鮮雞>. 蝦和青口仍然在生之時 = 海鮮!  HKD 178的套餐, 不能要求太多了!   青口肉質正常, 而青口殼變成筷子托.         胡椒湯是小米之父的至愛, 湯底香濃, 夠醒神. 單飲都覺得很美味...小米真係當湯飲.             個人覺得炸枝竹最美味, 而豬肚軟綿綿, 雞肉不太硬, 至少我咬到, 只是不夠入味. 長期雪藏貨, 心照!  總之湯底比食材更美味!    松露珍珠帶子蛋白炒飯  飲過胡椒湯後, 晚餐要有飯落肚才算完美. 另外點了椒鹽四季豆肉排和蝦醬時菜鮮魷       原本3百几蚊的晚餐, 使用多張現金劵, 埋單只是百多個大洋. 識玩當然係咁玩啦! 

味道一般，重要的是…進入食肆前詢問有否泊車優惠員工答有，於事幫襯食店最後埋單時回覆並沒有任何泊車優惠！非常氣憤，這不是話食物味道的問題都諗住食快點離開有事做但最後回覆話無任何泊車優惠！這食店沒有承信，一件咁簡單嘅事都不能令客人安心以後都不會再次幫襯大家要小心！

抗疫生活8月,仍然未有堂食晚市,唯有下午茶就要食飽D今次黎到呢邊買外賣,見佢茶餐轉了餐牌,比起之前仲平左~咁選擇唔多就試下啦,有炒麵炒飯炒牛河,炒飯,咖哩豬扒飯,煎蛋肉醬意,星州炒米~雖然話係輕量版,但食落唔覺同平時有咩分別都係咁大盒先講咖哩豬扒飯,應該係全個餐廳最好食既一款,咖哩汁特別濃特別香,仲帶少少辣~撈飯一流!!個咖哩汁膽真係精華,係靈魂一大片厚切炸豬扒,沒有厚厚炸粉,食起黎似上海炸排骨,酥香肉厚白飯份量正常多,唯有要彈就係咖哩汁太少,唔夠撈飯呀!不過要讚,咖哩汁係另外用盒分開裝!亦唔會因為用多左盒而收盒錢~咖哩好重香料味,仲有兩件薯仔,煮得入味~乾炒牛河係佢地重點之二,用足豉油炒香,每條都上到色,好過唔少茶餐廳....芽菜,蔥段,芝麻,食起黎每條都有味,水準出奇地好吃~,牛肉仲要係用靚牛切片,唔係用鬆肉牛肉片份量仲要非常大盒

今日做完野經過TKO,得美心唔洗排隊,不過都係買外賣返去食比較方便而家下午茶有飯粉麵類套餐A+B+C選擇A類,有招牌咖哩豬扒,滑蛋蝦仁,炒牛河炒米粉B小食類,魚蛋,蝦春卷,燒賣或單骨雞翼配薯條C類,咖啡或茶一杯,或水晶紅豆糕A選了咖哩汁豬扒飯+單骨雞翼+紅豆糕多謝$50,原來以為份量好少,點知都算比得足夠是一盒完整的大飯盒,豬扒是一大片的脆香豬扒,肉厚多汁,是這店招牌的招牌正常版本是有2片大豬扒,份量超爆量,反而這份量我認為剛剛好,不會太多配上係濃香而辣既香料味咖哩汁,有點兒太辣,搶去了其他的味道,但喜歡咖哩既朋友都可以試試算不錯的小吃是一隻雞翼斬半上炸粉再炸香,炸粉太厚身,薯條份量都足,雞翼少少辣,似麥當奴的脆香雞翼紅豆反而做得幾好,粒粒細粒,夠甜夠實淨$50有甜品有小吃有飯,近期算係比較便宜的選擇因為平時最少要80蚊一位