無老鍋

营业中

休息中

无老锅好耐之前已经喺台湾食过，𠮶时真系觉得好好食，之前喺香港试过鼎王，同台湾食嘅争好远，所以虽然知道无老锅喺香港开咗好耐，都唔敢去试！费事失望！但今日朋友话好想去试吓，咁就晏昼一齐去食！当然价格就比台湾贵好多，当日中午去到，完全唔需要订位，成间舖头得两三台人客，睇今日情况就知道而家饮食界真系好难挨！用OpenRice订位，仲有啲折头添，大家都记得要用吓！去到见到有啲午市套餐，但一心嚟到，就梗系想食佢啲豆腐同埋鸭血，如果跟餐嘅话，就冇得任食，所以我哋决定唔跟餐叫！直接嗌锅底！叫咗个鸳鸯锅底，一个系麻辣，一个系无老锅汤底，再嗌埋个冰淇淋豆腐。坐低一阵，汤底就到！出边亦都有自助嘅调味料，当然冇大陆𠮶啲选择咁多，正正常常！呢度嘅白饭系任添嘅，配豆腐送白饭都唔错！而我亦都有嗌下啲小食同牛肉，始终要帮衬一下！坦白讲，啲鸭血同豆腐真系好好食，胜过其他小食同牛肉，所以呢餐我可以系食豆腐食饱的！呢度嘅冷气都好充足，食完唔会一阵味！服务方面都算几好，整体系唔错！食过一次之后对佢嘅信心返晒嚟，一定会再试！