九頭鳥米線

营业中

休息中

今日系蓝田九头鸟开张以黎，我第一次食。平时一直都系食开三哥或谭仔或南记米线，而且见到呢间之前有唔少负评，所以唔想试伏，但试完一次后又觉得唔差。汤底：之前有食评话汤底好咸，我今日试完觉得唔会，当然有可能辣味遮盖咗。辣度：我叫麻辣5小辣，辣度比三哥或谭仔上一级，大概就系三哥既3小辣。份量：有食评表示米线份量好少，但出乎意料，米线份量比三哥或南记多，如下图。配料：我只叫鱼肉春卷一𩠌，一𩠌有5条，份量足。而且同南记鱼肉春卷不同，南记的是腐皮卷包鱼肉，虽然硬硬地但唔似即炸。但九头鸟鱼肉春卷似即炸，外皮脆脆地，但鱼肉我认为南记好味啲。总体黎讲，呢间野开张初期真系唔掂，但宜家好明显有显住改善。