江戶前日本料理 (已結業)

　　星期六开 OT，老婆先去揾位。事前唔知道开咗呢间食店，行到去门口仲要吓亲，因为好多人等位。　　但地方大，流量都好快，我食到一半，已经见啲枱唔爆喇。　　老婆就钟意一上楼梯就见到有大大条三文鱼喺度，视觉上令人食欲大增。　　唔知系咪唔好彩，叫咗几个𩠌，卖相都系唔吸引。不过，食落去又无比想像之中咁差，寿司嘅𩠌，三文鱼同带子都好新鲜；鸡软骨即整，热辣辣所以好食；天妇罗亦系热辣辣，而且好在啲粉唔会太多；唯独个乌冬我觉得有少少怪咁，可能食唔惯「捞」乌冬嘅关系啩。　　每个服务员都好卖力去做嘢，但系就人手始终唔够。枱面有部机俾客人去按钮，分有：落单，加水，卖单，等等，但按极都无人埋嚟，只有传统咁去叫行过嘅服务员提供服务。　　最恐怖系一坐低就听到服务员同行紧上楼梯嘅客人讲句：「孖衫啦些」。但我谂香港人都已经听惯晒。