Holam Bakery

营业中

休息中

订唔到lamlamli嘅千层蛋糕，而无意中喺ig发现呢间店都系卖千层，于是就过嚟买两件试下。去到蛋糕店，发现佢哋嘅千层蛋糕口味款式都唔少，我最终就买咗一件抹茶味，同埋一件芋头味我个人来讲觉得抹茶味比芋头味做得更加出色。芋头味𠮶件千层蛋糕，无论系气味，以及入口嘅味道，由头到尾就系雀巢芋头味雪糕，香芋味人造感觉比较重。但我觉得钟意香芋味嘅人，都仍然系会喜欢呢件千层蛋糕嘅。抹茶味就相对地个感觉天然得多唔会过甜之余，仲有带少少甘香嘅味道，入口比较舒服，应该就算食多件都唔会觉得腻。整体来讲蛋糕嘅质素都系属于满意嘅。只系觉得芋头味𠮶件千层蛋糕嘅皮，会比抹茶味𠮶件稍为厚左少少。另外，我系买外卖嘅，铺头有提供一个盒比我放两件蛋糕，但系餐具佢哋就用胶纸贴喺盒外面。呢方面我觉得有改善嘅空间，始终餐具外露，我带到返屋企可能都唔系咁卫生。