好叉好味 (禧利街)

营业中

休息中

今日一如既往出去外卖自取返嚟食，咁行远少少去到上环试吓呢一间叫好叉好味嘅餐厅。我见佢都几多款拣又有鸡同叉烧，味道方面有焦香柚子麻辣蛋黄。第一次就试吓最基本嘅焦香。去到叫春等咗一阵就有得拎，应该系预先整好再保温。拎到返去食打开有惊喜，原来佢仲有一只太阳蛋放喺度，只蛋嘅色几靓，𠮶边有煎得唔错。食落都几有鸡蛋香。到试吓佢嘅主菜叉烧。几入味浸蜜糖香味几丰富。但系肉质就硬咗少少。唔似平时食开烧味舖𠮶啲半肥瘦叉烧。但系我本身唔太喜欢食肥位。所以觉得唔错。依度唔使钱转菜饭。个菜饭就正常，菜都叫足够唔似其他得两粒菜。但系就普普通通冇乜特别。成个餐食落去感觉都舒服健康。总括然而， $50左右可以试吓，但如果你好钟意食传统烧味，就可以试吓其他。但如果你钟意试吓新野试吓无妨。