八月花 (東薈城名店倉)

营业中

休息中

同屋企人黎咗东荟城行街，见到呢间餐厅做紧信用卡六折优惠，就坐低咗啦。呢度嘅环境几靓，装修几特别，楼底又够高，坐得好舒服。今次叫既系六位用既秋冬红酒宴，有六𩠌同甜品。蒲烧三文鱼腩伴沙律呢个食落几得意！蒲烧三文鱼味道唔错，三文鱼几滑，下面既沙律系洋葱同青红椒，洋葱辣辣地几开胃。咖喱巴西龙虾尾拌蒸馒头呢个就普普通通啦！咖喱味道系OK嘅，但系龙虾就食到好大浸雪味，而且馒头都比较细粒，感觉唔系好抵。浓汤小龙胶鱼皮角鸡煲呢个系咁多个𩠌之中最好嘅！花胶厚身得黎有咬口，而且鱼皮角分量都好多！个汤香得来又唔会好浓味，推介！蚝皇原只鲍鱼伴花菇鲍鱼同花菇味道都算入味，唯一败笔系佢用咗温室豆苗，感觉成个downgrade咗。清蒸沙巴花尾趸味道OK唔会过熟明炉脆皮烧鹅虽然得半只，但系都几大只，个皮都算脆口，不过某啲部位有少少咸。合时冻糕甜品系咖啡冻糕，味道都几香浓，烟烟韧韧几好食因为有信用卡优惠，所以埋单人均二百几蚊，感觉都算抵，但系如果冇折嘅话就未必会过嚟食。