丸亀製麵 (希慎廣場)

营业中

休息中

在铜锣湾食野，一系贵，一系等好耐位......行完希慎诚品，见有 FOOD COURT 谂住行个圈睇下有咩食 (平时甚少行，仲未知佢已有 FOOD COURT，以为里面只有一D CAFE 和蛋糕店而已)。本来我已打定输数，因为一定难揾位，二来边有平靓正的 DINNER......边行边睇，PEPPERLUNCH 的香味已令肚饿程度提升，再行呀行见到有以前在太古 UNY (现已叫 APITA) 食过的纪文，它的炸物和天妇罗又令人垂涎。原来都有几多店舖㖞，而且间间都好吸引，最后我拣了龟丸制面，佢嘅面餐有：一碗大面加两只鸡翼仲有饮品，都只系 $53！以铜锣湾来说，仲要系日式拉面，我谂呢度算好平了！(甚至平过味千)找了位子坐下，先喝一口面汤，好鲜甜入味！面质好弹牙，配料有粟米粒，豆芽，紫菜 (3片咁多，湾仔著名日式拉面店都只系一片)，日式叉烧一片。鸡翼不油腻，上面洒有芝麻更香口。单单碗面的份量，已大过一兰！食下食下原来好饱肚，饮埋跟餐的绿茶，呢餐好满足。