班戟館 (已結業)

呢间食班戟嘅自从落户虹桥之后，经常都见到佢门口大排长龙，所以谂住等佢少啲人先食。前几日几彩，食完米线过去咁啱唔洗等位。只碟好可爱，见到已经好兴奋。焦糖脆脆海盐焦糖可丽饼，一食落口已经有惊喜，可丽饼好香，个海盐酱亦调得啱啱好，个脆脆亦都整得够碎，焦糖同海盐嘅味道夹埋好好食，互相衬托。暧昧-梳乎厘配士多啤梨味嘅酱同雪糕，梳乎厘好松软香蛋白味，配埋啲酱酸酸地，好开胃之余，味道啱啱好。食完上面两个觉得好好食，再叫左呢个伯爵茶苹果酱可丽饼。苹果嘅伯爵茶味比较轻，加埋雪糕同可丽饼就会比掩盖左，不过味道都系好嘅。3个人食除返开每人6x蚊，甜品黎讲其实几高质，虽然价钱唔平，但仍对得起个价。