慕茶 (已搬遷) 新店位置

一心同朋友聚会，见这里评语不错就去试下～由于我自少便见惯工厂大厦D格局，所以我就冇咩野，但朋友未去过工厂地方，所以揾间野期间有些怕。一入到去冇想像中咁靓，不过环境气氛唔错。因为早到，我地可以选位置坐。我地点左小食拼盘、慕茶全日早餐、唔记得咩既意粉同埋两款饮品。黎左野饮先～朋友叫了热玄米奶绿(好似系咁叫)，佢觉得唔好饮，个味好怪～咁我叫左热伯爵茶朱古力，我完全觉得伯爵茶同朱古力好唔夹，个味超怪，我完全觉得难饮。之后，我好奇试下佢杯玄米奶绿，我反而觉得佢个杯好饮呀～咁佢又好奇我杯野饮，都试左啖，佢就同我讲，佢突然觉得佢自己杯野饮好饮。。。。我希望店主可以改善下。。。。杯热伯爵茶朱古力。。。（我感觉似饮紧洗洁精）D水系自助~可自由去攞杯黎饮慕茶全日早餐，外观好靓，以下味道感觉：太阳蛋煎得唔错，好食（好难唔好食）蛋隔离果个唔知咩黎，切极都切唔开。。。最后切到烂晒先切到，外皮似炸馒头，口感硬。入面d牛肉好un，尼个唔好食。窝夫包住肠仔，口感怪味道唔夹。整体外观靓，味道不算好食又未至于难食。不过下次唔会再选佢，试过1次就够了。小食拼盘，以为份量唔多，但黎到又算多呀～ 尼个值得推介。薯角OK；肠OK