点心代表 (已結業)

带外地来的朋友食点心！之前睇OpenRice见有啲人话好睇唔好食，本身都少少淆地，但食落都几好食㗎㖞！美少女流沙包一见到啲五个包，就真系少女心都出晒黎😂有红豆，芋头，绿豆，奶黄流沙同仲有金钻凤梨！我人认为最好食嘅系芋头同埋奶黄流沙馅！馅料唔太甜，而且面包好软熟！美少女虾饺味道好okay㖞！唔算得系皮薄，但好有𡁻头！馅黎讲，唔太咸，味道足！除咗美少女系列之外，我哋都叫咗平时有嘅点心！菜饺，饮茶一定唔少得！本来以为佢哋净系食gimmick，但系原来普通点心都拍得住酒楼㗎㖞！烧卖每一粒烧卖里面只虾都弹牙，肥猪肉都好香！总括嚟讲，食物都OK，不过环境就麻麻哋啦，我哋预先book咗位，咁佢哋安排左我哋坐外边𠮶啲卡位，张枱就摇下摇下咁，一路食就一路怕佢会反。而且我地坐得好远，每次要叫好耐先有人应！