The Grill Room (銅鑼灣廣場二期)

今次試一試咁多食評嘅餐廳要左2個express lunch menu連飲品，主食要左美國安格斯牛肉煎蛋漢堡配薯條和燒紐西蘭10安士肉眼扒配薯條，另外加左沙律，湯和甜品，有氣水就加10蚊。美國安格斯牛肉煎蛋漢堡配薯條，依個主食重點應該係個美國安格斯牛肉，其次就係太陽蛋，而我覺得驚喜的反而係個麵包，口感香脆。總括黎講，味道不錯而不是一個的普通漢堡包。薯條則炸得金黃酥脆，有外脆內軟的口感，加上調味得宜，絕對係漢堡的好朋友。另一主菜燒紐西蘭10安士肉眼扒配薯條，紐西蘭牛肉10安士的份量剛好適中，加上肉眼扒經過燒烤處理，能保持肉質鮮嫩，口感也更加好。依餐的驚喜在於沙律和甜品，沙律是凱撒沙律，材料同平時差不多，但造型同平時完全唔同，加上蛋汁，味道和體驗更上一層樓。 甜品則是提拉米蘇，細細的一杯但味道豐富有層次感，都係用心之作。總括黎講，依餐感覺不錯，環境闊落又唔多人，想靜靜地2個人食飯的話，都係一個好地方。