拉麵Jo

营业中

休息中

今日星期日，出左铜锣湾谂住去诚品行下，顺手试下Jo 仔个沾面。朋友上次去完拉面Jo食，话佢好食过日本某d名店，讲到咁款，好难唔试㖞。沾面要做得好真系唔易，一d做到个汁淡又稀，完全挂唔到个面，有dd面又做到太幼，要拎个平衡都唔易。要试就当然要试个好嘅，我叫左个特制沾面。沾面黎到个卖相就认真唔错，佢个沾面系粗面黎，挂汤黎讲比幼面好，啖啖都沾满汤，口感亦都有咬口，烟韧弹牙。 沾面个汤底非常浓郁，木鱼味重，但浓得黎又唔会油腻，都几难得。至于个叉烧就有d肥，不过d肥膏入口即溶，偶然食一两旧都可以接受。总括来讲，沾面做得真系好好，汤底浓而不腻，面亦弹牙，真系好过唔少日本当地沾面店。