Figaro (已搬遷) 新店位置

同同事经过歌赋街食野好多次，次次都见到有间西餐定日本拉面店对住歌赋街，成日都话下次试，但个街招d相唔吸引，我都无点理佢地。有次都系谂唔到食咩，终于入左去。因为2点几，餐厅无乜人，见到系酒吧咁既样，一开始我仲以为无正餐提供。老板系香港人，上菜时系一个日本女仔拎出黎，我估系夫妻档..？我叫左个拉面，佢黎到同传统个啲完全唔一样，咁清既拉面我都系第一次见，老细话无落味精，啲汤可以饮。我即刻啜左淡汤，好fresh呀—佢系西式既汤，唔知用咩煮，有柠檬味清新味，少少酸，真系好好饮。但面我就得硬左啲，系硬面，唔钟意硬面要叫佢地煮冧啲。啲肉都好好味，成碗野都好出色😱同事叫鸡脾饭，佢都话好好味。老板，你地出面个街招不如换过...？呢间已经列入饭堂之一。