都市空間 (已結業)

我相信绝大部份嚟 Urban Space 帮衬嘅顾客「醉翁之意不在酒」，吃喝系其次，嚟 hea 嚟 chill 先系主菜。小店近门位置系书店，睇啱边本，畀完钱，就可以返埋位慢慢睇；睇唔啱，店入面仲有另一个书柜，有少量书籍可供客人免费阅读。下午茶时间，叫份自家制原味窝夫，上枱时，卖相冲击咗我对窝夫一贯嘅印象：呢个窝夫一边较厚一边较薄，中间嘅格仔更加系空心，感觉唔太实在😂。味道方面，面粉味较重，鸡蛋味唔太突出，口感亦较硬净。窝夫嘅味道就靠淋喺上面嘅朱古力酱，炼奶同杏仁片搭够。叫多杯 latte，非常住家式嘅卖相：可爱嘅咖啡 mug + 冇拉花嘅简朴咖啡，味道唔算浓，整体合格。