影片
更多
2011-04-16
41 浏览
1月15日, 西环一带真系无乜台湾野食… 某一次睇饮食杂志时, 见到佢地用上极大篇幅去大赞呢间三星, 仲要开喺咁近我地地头~ 可能仲系新开, 今晚星期六嚟到, 舖头入面只得一、两个人, 位可以任拣~ 仲有电视睇添!::: 红烧牛肉面 ::: $38喺香港都食过唔少台式嘅牛肉面, 大多味道都食唔出台湾风味, 更甚嘅某d台式牛肉面标榜 “重口味”, 都系味精辣油不停加, 仲要卖到贵一贵, 味道就差上差… 今次其实都唔抱有期望, 好彩系上枱嘅牛肉面望上去先唔系重口味𠮶只, 油唔算多望落都唔会吓亲人~ 而配菜有萝卜, 大葱同小棠菜, 感觉上都几健康~ 整体牛, 面同汤底十分夹, 汤底非常好味! 清得嚟有台湾地道风味, 又有牛肉香~ 辣油少少吊吊味已经好足够~ 而蔬菜都索到汤汁好香好惹味~ 再重申一点, 口讲说不清汤底如何清甜, 看相片就知道, 成晚都唔口渴, 就知道汤底冇加味精了~::: 鲜茄牛肉面 ::: $40汤底不论外表、味道都同红烧牛肉面几乎一样, 分别只系面头萝卜嘅颜色, 而都同红烧牛肉汤一样. 但原来鲜茄汤底嘅精髓就系喺碗底嘅一大旧蕃茄同埋茄膏~ 搅一搅匀再试, 香浓嘅蕃茄味即刻
::: 红烧牛肉面 ::: $38
喺香港都食过唔少台式嘅牛肉面, 大多味道都食唔出台湾风味, 更甚嘅某d台式牛肉面标榜 “重口味”, 都系味精辣油不停加, 仲要卖到贵一贵, 味道就差上差… 今次其实都唔抱有期望, 好彩系上枱嘅牛肉面望上去先唔系重口味𠮶只, 油唔算多望落都唔会吓亲人~ 而配菜有萝卜, 大葱同小棠菜, 感觉上都几健康~ 整体牛, 面同汤底十分夹, 汤底非常好味! 清得嚟有台湾地道风味, 又有牛肉香~ 辣油少少吊吊味已经好足够~ 而蔬菜都索到汤汁好香好惹味~ 再重申一点, 口讲说不清汤底如何清甜, 看相片就知道, 成晚都唔口渴, 就知道汤底冇加味精了~
::: 鲜茄牛肉面 ::: $40汤底不论外表、味道都同红烧牛肉面几乎一样, 分别只系面头萝卜嘅颜色, 而都同红烧牛肉汤一样. 但原来鲜茄汤底嘅精髓就系喺碗底嘅一大旧蕃茄同埋茄膏~ 搅一搅匀再试, 香浓嘅蕃茄味即刻出晒嚟~ 蕃茄嘅酸甜, 加埋牛本身已经够浓郁嘅牛肉汤真系好好味! 牛肉大大件, 用上牛部份, 够正宗~ 而且牛肉炆得够入味, 肉质软稔烟韧, 嚼劲十足~ 好味! 牛肉面好QQ, 而且好索到汤汁~ 加埋大量嘅大葱令整碗面味道更加甘甜! 结论系, 鲜茄牛肉面味道比红烧更浓烈, 但就算食晒成碗都觉得唔会觉得好漏, 回味无穷~!!
::: 盐酥鸡粒 ::: $25盐酥鸡粒几特别~ 佢个炸粉系好薄好粉嫩嘅一层, 值得一赞嘅系个炸皮完全唔油腻之余内里嘅鸡肉仲系嫩嫩嘅粉红色!! 鸡肉鲜嫩, 味粉适量, 唔会一味得个咸字, 加埋大量炸蒜同生蒜伴喺侧边, 令鸡粒更加惹味~
::: 肉燥青菜 ::: $15呢个菜真系抵! 菜量十分多~ 青菜够新鲜, 大大棵煮得翠绿怡人. 肉燥系肥瘦夹杂𠮶种, 咸香有致, 又渗出淡淡肉的香甜. 份量亦唔孤寒, 下得颇多~ 用嚟送菜一流!
::: 冻胚芽奶茶 ::: $10难得一场嚟到食台湾野, 就即管试埋呢度嘅台式奶茶啦! 估唔到个胚芽奶茶系咁大杯! 奶茶无平时d台式奶茶咁甜到漏, 反而茶味都几浓~ 胚芽都几多~ 饮落有阵麦香, 都几好饮!
呢度环境光猛洁净, 开放式厨房可以一路睇住师傅们洗切煮面, 令等食时间增添些少乐趣! 我地都系事后先知道原来呢度系前女歌手傅珮嘉老公所开, 怪唔之得敢开喺呢d咁僻嘅地方, 又识得做宣传大搞明星效应! 幸好, 有明星撑之余, 三星仲有嘅系实力!
张贴
