Peek-A-Poke (希雲街)

营业中

休息中

同朋友去咗銅鑼灣做嘢，中間食飯時間都係要諗餐飽，一來係星期日出去搵嘢食真係唔容易，二來要諗吓邊度有啲比較健康嘅嘢食更加困難，所以都係決定唔出去，叫外賣比較穩陣。諗吓健康啲食乜嘢比較好，所以就諗到食沙律，但係又好似太過清淡，所以就諗起可以食魚生飯加沙律。搵咗一陣，終於搵到呢間Peek-A-Poke, 我就簡單叫咗個夏威夷風味，即係吞拿魚魚生飯，另外我再加左八爪魚同埋牛油果，仲有我改咗要一半飯一半沙律。嚟到嘅時候份量都幾好，味道亦都算啱啱好，牛油果都有半個，八爪魚份量還算可以，整體嚟講食過幾間唔同嘅poke，呢間算係比較好味嘅一間，有機會都會試吓佢另外一間分店。