形 (MPM文華商場)

营业中

休息中

因为突然间好想食串烧，见到呢间零负评又就脚就决定黎试下。同朋友打算先叫一Round先，所以是但点左啲，打算试左先，下一Round再叫。本来叫大辣，但店员话佢地系用魔鬼椒既粉，怕我地食唔到，就叫我地试一试中辣先，另外都有再俾多碟大辣粉我地，因为我地都比较食得辣，所以最后都系要加大辣粉。串烧味道偏淡，牛肉韧，茄子烧到好黑，有啲似系先炸再烧既感觉。野食其实都上得好慢， 仲有漏单既情况。但因为我同朋友都觉得唔好食就无再催单，对左单无计多钱就算数。环境方面，因为系有得唱K既，所以比较嘈。我谂呢到比较适合去饮酒多过食野。