又一棧 (已結業)

生日有人请食饭，选址又一栈，之前未黎过呀，试吓先﹗3个人，食乜好呢？lunch叫太多又怪怪地，同埋都根本食唔晒吖，唔通叫片皮鸭咩？最后，又比我地发现有个3人餐，至于包括乜嘢，请大家自己看图识字了﹗成个餐，所有d食物水准都好平均，如果你话要推介，我会介绍个雪花鸡蓉官燕，碎燕份量都几多（以套餐价钱来说），入口好清新，足料。另外，干烧大明虾个汁真系very good，少少辣，又酸酸地，互相都发挥到功能，谁也不能抢去谁的风头；最后要推介的即甜品椰汁糕，已经讲左好多次，我对甜品麻麻地，不过呢排都真系食唔少。这个椰汁糕，好香椰子味，质感实净，我谂系椰子比例高，所以唔会一咬就烂，同埋好水咁，所以我都推介。