苑記粉麵茶餐廳

营业中

休息中

呢间餐厅虽然好多争议，但一入舖头就见到佢啲电视贴住罢睇失实电视台📺，二来听见部分员工口吻都尚叫有意识，于是就俾个机会佢。牛腩伊面 $37 转伊面+$8朋友话好少见粉面店可以转伊面，就一于转去试试。牛腩🐮好有牛味但又唔会好骚，配上伊面清得来有几夹。而且肉嘅份量绝对唔少，块块都系厚切🥩。牛筋米粉 $37牛筋嘅份量多到吓死人，炆得非常之淋😋，唔会过咸又保留住佢嘅原汁原味。另外要提一提系佢嘅汤底，望落清清地但又带啲肉味，应该就唔系味精汤❌。净云吞 $33粒粒都好饱满，云吞入边唔止有一粒虾🦐，食落去好满足。我觉得系我食过嘅云吞入边算系印象好深。我觉得整体都算唔错，比我想像中嘅茶记更加有惊喜，如果下次有机会都会再嚟🙂。