蟹慶

营业中

休息中

好耐冇嚟过食蟹，记得之前嚟食，好正！今日庆祝旗袍生日，嚟食蟹做生日饭！前菜三点有蟹肉沙律、萤光鱿鱼及牛蒡。超开心，有我钟意食嘅萤光鱿鱼，鲜味可口有天然咸香~精选厨师发板刺身有深海池鱼，金目鲷、带子，蟹肉刺身，牡丹虾；比较少食蟹肉做刺身，就算就咁食已经好鲜甜蟹肉蒸蛋滑溜嘅蒸蛋加上一丝丝蟹肉、仲有少少咸香嘅三文鱼子蒸毛蟹今晚食北海道三大名蟹之一嘅原只北海道毛蟹！大厨非常细心，每一部位都剪好晒，方便我呢啲懒人食！蟹肉唔算多，不过蟹膏非常甘香滑溜，香味亦都好浓郁。就咁简单蒸就最好，最能够食到新鲜蟹肉嘅甜味浜烧蟹脚分别叫咗松叶蟹脚及鳕场蟹脚，够晒大条，啲肉又多，又有烧嘅香味海鲜天妇罗盛合有蟹脚、虾、南瓜、茄子，其实未食到呢道菜已经好饱甲罗烧 酿满蟹膏嘅松叶蟹盖，加上蟹肉及鹌鹑蛋！喺烤炉上翻滚，超香，第一次放喺虾片上食，太惹味，停唔到口松叶蟹釜饭以日本产珍珠米、上汤、杂菇、银杏及松叶蟹肉等食材放入锅煮成釜饭。饭嘅质感啱啱好，唔会太软或太硬，尽吸蟹汁嘅味道，超级鲜甜。仲特别请店员唔好落咁多黑松露酱，唔想盖过啲蟹味~绿茶布甸超有绿茶味，而且唔甜！加埋粒蕨饼，饱晒~