十二味 (LADDER Dundas) (已結業)

平时食嘢唔系好食得辣，但系间唔中都会想食d辣嘢。今次就拣左食呢间川菜，呢道飘香毛血旺一放上台就超级香，香辣嘅气味非常诱人，又唔会好刺鼻。毛血旺嘅主角当然系鸭血，口感嫩滑，而且辣度适中，够晒入味。其他配菜有芽菜、青瓜、午餐肉、毛肚等都唔错。青瓜爽脆清甜，又能解腻。除左主菜外，我地亦有叫左几道小食，当然唔少得嘅就系红糖糍粑。金黄色嘅糍粑炸到外脆内软，每一旧都炸得啱啱好，沾上红糖就更加好味。 食辣嘢亦唔少得叫嘢饮解辣，我地叫左杯欲望酸梅，黎到先知超级大杯，份量绝对足够，酸酸甜甜好适合解辣。除咗酸梅汤之后都好推荐呢个热情和梳打，一样系酸酸甜甜，但就多咗"气"喺度，好解渴解辣。👍🏼👍🏼👍🏼