老三火鍋 (已結業)

成日都会去打边炉， 食鸡煲都食到闷。 今次朋友介绍之下去咗试下老鸭锅，其实之前冇食过嘢都唔知系乜嘢嚟。其实间嘢都系喺旺角，不过就喺冇咁逼人𠮶边。朋友介绍之下，见到价钱咁抵就试下，老鸭玻璃到嘅时候店员建议我哋饮一碗汤先， 饮落去有少少药材味有少少肉味，都几好饮。见到餐牌有金沙虾丸， 原来系包心丸入面有咸蛋黄嘅馅料， 咁我就叫咗半份金沙虾丸， 半分手打墨鱼丸试下。 两只丸都非常之弹牙， 因为之前试过有啲餐厅啲手打丸好淋，所以都有啲惊， 但系呢度嘅手打丸完全冇呢一个问题， 就算入面包咗金沙都好， 唔会食落口一pat嘢咁。 弹牙得嚟又食得出佢用新鲜食材整出嚟， 所以建议大家可以试下。店员推介之下， 试咗两只蛏子因为28蚊就真系好抵， 我哋唔识整蛏子放咗落去一段时间， 个店员即刻提我哋要捞起即刻食， 味道新鲜。不要嗌咗个顺德炸鱼腐， 虽然系油咗少少， 但系个口咁其实好似生巾入面有鱼肉， 炸到脆卜卜其实个味道有啲似响铃。食到一半嗌咗一壶乌梅汁， 25蚊一壶超级大，而且个味道系清甜嘅好好饮，用嚟中和返𠮶一啲油腻感觉真系一流！总括嚟讲我绝对推介去食大大份既火锅！