廖孖記 (已結業)

腐乳于上世纪五六十年代，系穷等人家恩物，听老前辈口中得知，以前几仙一砖腐乳够一家人当𩠌吃。虽然今日经济环境比起几十年前已经提升唔少，但腐乳至今依然广受欢迎，而依家想食腐乳的话，必定会谂起百多年历史嘅廖孖记！廖孖记腐乳($30/细)咸香得来带点鲜甜，味道令人惊喜，而且廖老板亦相当健谈好人，两个麻甩佬话题滔滔不绝，手表高达相机镜头等话题都可以倾得一餐，感觉亲切又不老套，所以就算在CitySuper入面有得卖，倒不如去老店直接买跟廖生吹吹水好过...大家唔好以为腐乳只系用黎炒通菜，试将腐乳当主角，食法一样可以有好多变化，搽面包又得，拌公仔面亦得，甚至做火锅汤底都得，仲可以沟埋淡忌廉、烟肉火腿做卡邦拿意粉又可以。只要花点心思，呢样民间国粹一定可以食得更精彩！