誠記小籠包拉麵 (已搬遷) 新店位置

熊妹电话📲plan就黎完约，今日念住去电讯街比较下啲电话plan再续埋约。所以揾埋肥妈同卡肥哥哥落去一齐食野喇。熊妹想食上海野，揾到呢间民间美食《诚记小笼包拉面》。钦洲街呢间系分店，医局街系总店。今日落好大雨无停过，门口有遮架摆遮的。内里装修好简朴，就摆放著几张木枱木櫈，民间风味重啲。呢度的上海菜款都几齐，小笼包、生煎包、锅贴、云吞、水饺、菜饭、粗炒、炒年糕，真系应有尽有，全部都岩哂熊妹心水。咩都叫哂去！招牌生煎包$29四件，系钦洲街限店㖞，好似几出名，试下先。热辣辣煎起架，黑瓷碟上保持热度。包底煎得好脆，好味㖞！包皮唔会好厚，小心！一啖咬落去，入面啲肉汤汁爆哂出黎，好辣口呀！好正好正呀！肉饀都唔细旧，调味几好，又无咩肥肉，岩哂熊妹喇！不过食的时候真系要小心啲汤汁辣亲咀，或者滩冻少少先食。跟住系熊妹去上海店必食的酸辣汤水饺🥟，$48。超级大碗！超多料，木耳，猪肉丝，豆腐，猪肚，味道好够，酸酸辣辣，汤质感好浓稠，唔会好稀，真系好好味！而水饺有6只，系菜肉饺，饺皮好薄，菜多肉少，唔会话成旧猪肉好肥腻，岩哂熊妹喇，成碗酸辣汤水饺真系超赞喔！卡肥要食主食，睇中左上海粗炒$48，加回锅肉$10。