珍姐海鮮火鍋飯店

营业中

休息中

珍姐出名难book就闻名于国际，book完仲要隔咁耐（大概一个月多少少）要大家都记得同埋准时埋位都唔系咁易。今次book左头围18:00，都唔系准时齐人，明嘅，香港人揾食艰难。订枱时预订左猪骨蚬煲、扇牯牛皇同埋海鲜拼盘，其他野就现场睇𩠌食饭啦。 🍲猪骨蚬煲好浓好够味，一上枱就饮两啖汤先，入面大概有猪骨、萝卜、蚬、粟米咁上下。 🥩扇牯牛皇有四款，包括腩头、封门柳（好似系）、匙柄（好似系）同埋爪边（？唔记得），全部即日本地手切，都算得上系温体牛（？）。 🥩老兰嫰牛四拼就系四款进口牛肉，包括封门柳、颈脊、匙柄同埋（唔记得）。一般黎讲我都系偏好封门柳同颈脊，纯粹系肉味同质感上嘅个人口味，唔代表牛肉部位嘅排名。 🦪海鲜拼盘方面有蛏子、北寄贝、沙白同埋（唔记得，好似系蚬），全部都好新鲜。 🐟鲜制三宝手打肉滑都几特别，一共三款包括鱼羊滑、墨鱼滑同埋菜脯虾酱猪肉滑。鱼肉加羊肉真系为味觉带来新冲击。 另外仲叫左嘅食物就睇图啦，包括门鳝鱼蛋、鱿鱼串、滑鸡件（真系好滑）、脆鲩鱼片等等。 🍧完场前仲有个冰粉可以凉一凉，既清甜又有阵阵花香。 👏🏾场内气氛好好，店员会介绍牛肉部位，仲有示范，话畀大家知大概煮几耐，