影片
更多
2024-10-29
1461 浏览
好耐之前同朋友喺呢间餐厅庆生，印象当时气氛唔错，重点系想比男友留下记忆点，所以决定嚟呢度，让怕丑嘅男友留下一个尴尬嘅生日夜😆BOOK左平日嘅星期二晚上6点，当时已经有唔算少嘅食客。餐厅灯光较暗、临近节日而布置嘅万圣节装饰、欧美快歌，环境令人放松、愉快☺️。我知道食物分量唔细，所以两个人点左个肉拼盘，再加薯怪最爱嘅炸薯条。Smokehouse platter $498啱哂食肉兽嘅拼盘，除左有人气推介嘅牛胸肉外，仲有猪肋骨、两款肠仔、手撕肉，相当丰盛!!首先牛胸肉肉质软淋，连少许肥膏食会更香，肉嘅外层食得到淡淡嘅烟熏味。当感觉腻嘅时间，建议沾少许绿色酸酸地嘅青酱一齐食。本身麻麻地肠仔类嘅我，今次觉得两款肠仔都唔错，白色果款带有香草味、质地较软身；啡色果款香辣惹味、仲有芝士馅、肠皮非常脆口😋。猪肋骨比较普通；手撕猪肉最浓味；两个人食呢盘拼盘，老实讲有少少吃力😅Truffle fries $88芝士只有面层薄薄一浸，黑松露分布唔平匀，所以食落唔太松露🙉，唯一优点系分量多，而且用粗薯条即炸出嚟，外层好脆。亦由于味道唔浓，所以配手撕肉食最好不过。趁男友去厕所，我偷偷柯打左甜品😏。食完主菜等左大概十零
BOOK左平日嘅星期二晚上6点，当时已经有唔算少嘅食客。餐厅灯光较暗、临近节日而布置嘅万圣节装饰、欧美快歌，环境令人放松、愉快☺️。
我知道食物分量唔细，所以两个人点左个肉拼盘，再加薯怪最爱嘅炸薯条。
Smokehouse platter $498
Smokehouse platter
$498
450 浏览
3 赞好
0 留言
啱哂食肉兽嘅拼盘，除左有人气推介嘅牛胸肉外，仲有猪肋骨、两款肠仔、手撕肉，相当丰盛!!
首先牛胸肉肉质软淋，连少许肥膏食会更香，肉嘅外层食得到淡淡嘅烟熏味。当感觉腻嘅时间，建议沾少许绿色酸酸地嘅青酱一齐食。
本身麻麻地肠仔类嘅我，今次觉得两款肠仔都唔错，白色果款带有香草味、质地较软身；啡色果款香辣惹味、仲有芝士馅、肠皮非常脆口😋。
猪肋骨比较普通；手撕猪肉最浓味；
两个人食呢盘拼盘，老实讲有少少吃力😅
Truffle fries $88
Truffle fries
$88
437 浏览
0 赞好
0 留言
芝士只有面层薄薄一浸，黑松露分布唔平匀，所以食落唔太松露🙉，唯一优点系分量多，而且用粗薯条即炸出嚟，外层好脆。亦由于味道唔浓，所以配手撕肉食最好不过。
趁男友去厕所，我偷偷柯打左甜品😏。食完主菜等左大概十零分钟，职员边送上甜品，边一齐唱生日歌🥁 最后帮我地影埋张即影即有嘅二人照留下纪念。
Chocolate cookie $75
Chocolate cookie
$75
328 浏览
0 赞好
0 留言
曲奇连铁板送上，所以饼底好热亦脆口。由于曲奇比较甜，所以上面果球海盐焦糖雪糕系一大亮点!! 一嚟发挥缓和甜腻感，二嚟提供冰火交融嘅刺激感，相比前面两款食物，甜品令我更能留下记忆点!!
整体餐厅气氛唔错，职员服务良好，如果想同朋友或者伴侣庆生都可以考虑嚟呢度。
张贴
