影片
更多
2019-02-01
227 浏览
前排约咗朋友系尖沙咀呢间Prosit Bar & Restaurant食饭，个气氛又几舒服，所以坐坐下就坐咗成两个钟，就算坐耐咗都唔会感到拘谨，非常适合放工后约埋三五知己聚脚吹下水。是日我地都正常地分别柯打咗头盘、主菜、甜品等等。最先到嘅系磨菇汤同匈牙利牛肉汤。两款个人比较喜欢蘑菇汤，味道调配得刚刚好，每一啖都带著浓厚嘅蘑菇味，入口相当滑，除之阵阵忌廉牛油香味系味蕾扩散，非常不错。碗汤都确实相当大，因此呢个汤除咗暖胃都几有饱腹感。接住到既系吞拿鱼沙律，同朋友相互笑言卖相有少少似中菜，非常罕见嘅沙律配搭。朋友带头一试，佢指味道出奇地不俗，由于三色椒等等沙律都相当新鲜，而且配搭起吞拿鱼，调味相当和谐，唔会太溜好健康，极深得我朋友喜爱。饮品方面，我地分别柯打咗Somersby Apple Cider同Stiegl (Grapefruit)，Apple Cider就唔洗多讲。而Stiegl我就第一次饮，感觉几易入口，因为我都怕好重酒精嘅酒，淡淡啤酒味，带少少提子味道，就连唔多钟意饮啤酒嘅我都觉得相当唔错。而之后到嘅什锦肠拼盘，同预期想像虽然有所出入，因为误以为整碟都系肠嘅小食，万万想像不到系类
是日我地都正常地分别柯打咗头盘、主菜、甜品等等。最先到嘅系磨菇汤同匈牙利牛肉汤。两款个人比较喜欢蘑菇汤，味道调配得刚刚好，每一啖都带著浓厚嘅蘑菇味，入口相当滑，除之阵阵忌廉牛油香味系味蕾扩散，非常不错。碗汤都确实相当大，因此呢个汤除咗暖胃都几有饱腹感。
接住到既系吞拿鱼沙律，同朋友相互笑言卖相有少少似中菜，非常罕见嘅沙律配搭。朋友带头一试，佢指味道出奇地不俗，由于三色椒等等沙律都相当新鲜，而且配搭起吞拿鱼，调味相当和谐，唔会太溜好健康，极深得我朋友喜爱。
饮品方面，我地分别柯打咗Somersby Apple Cider同Stiegl (Grapefruit)，Apple Cider就唔洗多讲。而Stiegl我就第一次饮，感觉几易入口，因为我都怕好重酒精嘅酒，淡淡啤酒味，带少少提子味道，就连唔多钟意饮啤酒嘅我都觉得相当唔错。
而之后到嘅什锦肠拼盘，同预期想像虽然有所出入，因为误以为整碟都系肠嘅小食，万万想像不到系类似套餐一样，既有三款肠同时有炸薯条。当一人份量餐点自己食的话，份量恰好够哂饱，但预期系作为分享盘，想试尽全部款式肠嘅朋友，就要记得柯打大拼盘了。
下一款主菜系肉眼扒餐，旁边搭配菜有荷兰豆、红萝卜、蕃茄。单单肉眼扒牛味好重，调味十分入味。如喜欢酱汁的话，可点蘸需额外柯打嘅Prosit自家制蘑菇汁，浓浓蘑菇汁味道唔会太溜，但整体多咗变化。份量感觉唔系好多，但整合刚刚食嘅沙律、餐汤，都确实系饱。
最后我地以甜品作结，柯打咗一份德国式苹果批，又系同想像之中不同，首先外皮酥脆，内里馅肉有苹果肉、提子干、合桃肉等等，口味意想不到地夹，认真几好食。如果怕苹果味太浓，可以再点蘸边边朱古力酱，甜到入心。甜品制作几特别，值得推荐。
总结，Prosit比我感觉似家庭式酒吧餐厅，仆素似外国周日聚会嘅气氛，可以两人坐系酒吧枱倾密计，又可以一大班人拍埋几张餐枱Happy Hour。至于食物方面，最意想不到嘅反而系「吞拿鱼沙律」同「德国式苹果批」，由于外面比较少见同款菜式，但味道真系不俗，所以未试过嘅朋友，绝对要一试。
张贴
