QUAYSIDE (已結業)

三个女人去睇舞台剧，演艺学院附近有呢间餐厅！地点几偏僻！价钱亦唔平！不过半自助午餐口碑唔错！所以就试下！要在铜锣湾搭地铁来！一个静到无人嘅商场内！装修好靓！餐厅比咗圆形梳化卡位我哋！又好近攞食物嘅位置！可惜室外位置对出做紧填海工程！无晒境观！落咗主菜就出去攞食物！头盘选择好多，虽然无刺身，但烟三文鱼唔错！沙律新鲜，芝士好浓味，样样好味！餐汤好特别，姜味红萝卜汤，不是人人喜欢，但特别！甜品种类少，两款挞味道好腻，又过甜，挞底又淋了！唔得！春鸡：嫩滑，有肉汁！唔嚡！好味！肉眼扒：唔平均，有啲位置太生！牛味道几浓！香草海鲜意粉：朋友话香草味太浓！不过我觉得ok!海鲜嫩，虾肉爽口！意粉粗身弹牙！唔错！餐茶几香！食物好，服务好舒服，适当时候店员就会出现，但又唔会令人觉得烦，唔阻到倾偈！掌握得好好！