SAVVY

呢日同男友早上去咗海港城做野，Lunch想食好少少奖励一下自己，决定行下揾间特别啲既！ 边行边揾下见到呢间店既门口好有型，气派十足，一开始仲以为系啲搞艺术既高级会所。好奇心推动下走去睇睇，发现原来系太子酒店既餐厅黎，有半自助餐食又唔算贵，咁当然要试试佢啦！ 🧡Semi-buffet lunch（$288/位）自助餐区既选择好丰富，无论系冷盘、沙律、海鲜都好足，质素亦系中上水平，呢个价黎讲，计埋餐厅环境同地区，CP值真系好高！主菜方面都有好多选择，主要系亚洲特色既菜，无论中、日、韩、泰、印既选择都有！鸡、猪、牛、鱼既选择亦都齐，总有一款啱水心～我同男友就选择咗下面两款： 🔸轻煎鲈鱼柳配薯蓉露荀薄荷汁鲈鱼煎得好靓仔，金黄表皮，鱼味足，肉唔散，出色！露荀无渣，薯蓉Creamy，正！🔸香煎猪里脊肉配西兰花烧薯烧汁肉质嫩，肉味香，大份啖啖肉，非常满足！整体黎讲成个用餐体验系好好既，环境靓，坐得舒服，食物都算高质，自助区亦选择丰富，侍应礼貌好，收碟都快，第日有机会都可以encore 下。