祝ご 居酒屋 (已結業)

一入到呢間居酒屋就聽到昭和年代嘅日本民謠，充滿親切感🥹。店內有唔少特攝片嘅海報同收藏品，好似去咗日本咁。✨大小牛腸鍋 $88牛腸有預先烤過，食落去更加香同埋冇平時食嘅咁油。湯汁充滿韭菜、大蒜、辣椒嘅味道，連蔬菜、蒟蒻、豆腐都變得開胃。味道濃郁又暖胃，冬天必食🥰。✨雞全翼 $48燒得均勻，而且雞皮有啲焦香，甚至有少少爆皮效果。✨牛舌 $68又係有少少爆皮所以特別脆，裏面彈牙又多汁。✨雞肉大蔥 $38雞肉口感軟嫩，吸收晒醬汁甜味。大蔥烤得夠，味道唔會太青太辣。✨蘆筍 $38全部都係細細條，味道清甜爽脆，一啲渣都冇。有啲鰹魚碎襯托，味道特別香。✨蒜香牛油粟米$58類似蒜蓉包嘅味道。蒜香同牛油香都滲晒入去，加埋粟米嘅甜味會令人越食越想食。✨魷魚咀 $56味道鹹香而且口感爽脆，最啱餸酒。✨雞皮餃子 $48雞皮炸到又薄又脆，口感直情有啲似腐皮🤭。肉餡彈牙又有蔥香。✨焦糖番薯$48 焦糖加蕃薯本身嘅天然甜味特別夾。做甜品一流。