Diletto (已結業)

今日黎到尖沙咀一间装修好靓既餐厅，餐厅装修用花草树木做主题，周围都有唔同颜色嘅花，就好似一间充满花既温室咁，中意影靓相既唔好错过呢间餐厅喇。龙虾汤，餐包落完order 之后就有餐包送黎，面包暖暖地外面好脆，枱上面仲有黑醋同橄榄油，点黎食就岩哂。龙虾汤既龙虾味浓郁，唔中意面包点醋既可以拎黎点面包。龙虾龙大利饭个人非常中意呢个饭，真系成只龙虾咁上碟，轻轻一开就可以系壳拆啲肉出黎，龙虾肉质好弹牙，意大利饭煮得岩岩好，唔会太硬，食落有好浓既龙虾味。安格斯牛扒嗌左五成熟既安格斯牛扒，煎得岩岩好，切开仲系粉红色，肉质好软熟淋身，成块都无咩筋。牛扒上碟既时候仲配左三只sauce（盐、芥末、烧汁）个人就中意点少少盐食就岩岩好。