寿々乃

营业中

休息中

今日收工同男朋友特登去跑马地，试一间book mark咗好耐嘅Omakase。餐厅其实位于铜锣湾时代广场行大概4分钟左右，一望见门口，俾人感觉系一间有格调嘅餐厅，装修唔会好奢华，系行简约恬静嘅日式风格。今日都好热闹，餐厅差唔多坐满。好值得赞嘅系师傅，佢除左喺我哋品尝每道菜前都会讲解食材嘅来源同其嘅特别之处，仲好好倾，同客人打成一片，令到成个气氛好热闹开心。今次成个用餐体验都好正，除咗食物好食之余，师傅嘅幽默健谈令到食嘅时候可以更加放松，享受成个氛围。讲返食物，佢先嚟前菜有季节性嘅樱鳟，有淡淡烟熏味同鱼香，唔错。之后刺身入边，我最钟意嘅就系富山产嘅白虾同埋鰝鲹！前者极度鲜甜，后者就清爽得来有丰富嘅油香甘甜，食材出色。而寿司10贯入边，每一款都好出色，要我拣我最钟意嘅，就一定系池鱼同埋中拖罗，两者都好肥美，一摆入口，鱼油嘅香味即刻充满晒成个口腔，好满足。最后师傅以一个简单嘅芒果芝士蛋糕同福冈嘅士多啤梨做最后嘅点缀。成餐真系好开心食得好满足。