影片
更多
2021-11-02
52 浏览
餐厅门面嘅屋顶、里面嘅座位、灯光同旁面嘅植物营造到屋企嘅感觉，好似典型日本式家庭餐厅。一入座已经感受到休闲舒适，有亲切感。餐枱上餐具餐巾口罩套酒精搓手液整齐放好，干净又卫生。坐低一阵，店员就主动推荐菜式，帮咗有选择困难症嘅我哋好多～【罗文生菜凯撒沙律】可以配烤鸡、大虾或者炙烧吞拿鱼。都几大盘，沙律菜劲好fresh，烤鸡系热㗎仲烤到皮脆，仲有芝士、烟肉粒(厚切㗎～)。【拔丝芝士三重奏肉丸】店员推介嘅前菜，肉丸系用和牛整嘅，半溶芝士同番茄酱，望落好重味但其实味道唔会太浓，三种味道平衡得啱啱好，店员冇推介错～餐厅嘅招牌菜式日本产黑毛和牛汉堡扒，有四款唔同风味选择，我哋拣咗【招牌香郁和牛烩酱汁汉堡扒】，酱汁用牛肋肉煮成。 店员介绍汉堡系用百份百黑毛和牛嘅厨师精选部位制成，唔系肉头肉尾，即叫即整，仲要每份人手搓制。 上枱时系用锡纸包住，切开𠮶阵就流出肉汁，味道浓郁感觉好幸福～汉堡扒口感软绵juicy~【浓郁红酱意大利面配香煎大虾】另一店员推介菜式，「红酱」以为系番茄酱其实系虾头膏煮成嘅酱汁，钟意食虾嘅我听到都流口水。意粉上枱已经闻到浓浓虾味，食落creamy又鲜味，四只大虾好鲜爽，上面仲落咗啲樱
坐低一阵，店员就主动推荐菜式，帮咗有选择困难症嘅我哋好多～【罗文生菜凯撒沙律】可以配烤鸡、大虾或者炙烧吞拿鱼。都几大盘，沙律菜劲好fresh，烤鸡系热㗎仲烤到皮脆，仲有芝士、烟肉粒(厚切㗎～)。
【拔丝芝士三重奏肉丸】店员推介嘅前菜，肉丸系用和牛整嘅，半溶芝士同番茄酱，望落好重味但其实味道唔会太浓，三种味道平衡得啱啱好，店员冇推介错～
餐厅嘅招牌菜式日本产黑毛和牛汉堡扒，有四款唔同风味选择，我哋拣咗【招牌香郁和牛烩酱汁汉堡扒】，酱汁用牛肋肉煮成。 店员介绍汉堡系用百份百黑毛和牛嘅厨师精选部位制成，唔系肉头肉尾，即叫即整，仲要每份人手搓制。 上枱时系用锡纸包住，切开𠮶阵就流出肉汁，味道浓郁感觉好幸福～汉堡扒口感软绵juicy~
【浓郁红酱意大利面配香煎大虾】另一店员推介菜式，「红酱」以为系番茄酱其实系虾头膏煮成嘅酱汁，钟意食虾嘅我听到都流口水。意粉上枱已经闻到浓浓虾味，食落creamy又鲜味，四只大虾好鲜爽，上面仲落咗啲樱花虾干，作为虾迷真系大满足。
【日本产黑毛和牛厚切牛柳扒】食完汉堡就食同样系日本产黑毛和牛肉嘅牛柳，一般食开和牛都系食佢嘅油脂，今次呢块就系fillet，系牛肉之中最嫩嘅部位。食落口感软滑，肉味鲜甜。调味料有黄芥末、Wasabi同海盐，我个人就钟意Wasabi，够特别味道又夹。
食物美味，温暖氛围，难怪住喺香港嘅日本人都咁推荐呢间日本洋食屋，今晚就连隔嚟枱嘅食客都系日本人，而我梗系一定要encore啦！
张贴
