爐炭燒

营业中

休息中

参加左海洋公园glamping-星夜高峰包左一餐4人晚餐系度食。平时去海洋公园挂住玩都无咩机会入餐厅食，更加唔舍得入依间贵贵餐厅，今次机会难得，终于试到😋😋头盘同沙律正正常常，不过最值得赞佢个沙律酱，系蓝芝士酱😍😍果种咸香味同幼滑口感，真系令人忍唔住一食再食。跟住大虾酸辣汤即系冬荫公汤，超好饮，少少辛辣得黎好香，只虾仲有好多膏，正！主菜个牛就比较失色，无咩牛味仲有d 韧，三文鱼柳皮煎得好脆但无咩鱼油唔够香，薯格有d厚皮，但羊就好食，可惜唔够大份。甜品十分欣赏佢个朱古力，好浓好正，但个马卡龙就建议唔洗食，一阵假糖味，可惜。整体而言分量足，基本上食到主菜大家都饱左，而且佢d特饮都好好饮。最后我地仲买左枝酒返去饮。