Bischofia by Mood

营业中

休息中

呢间餐厅唔单止有好多美食，仲有运动同增肌人士都可以尽情食用嘅食物，而且餐厅内仲有注场歌手表演，可以随意点歌同欣赏音乐，真系好满足个人嘅味觉同听觉享受。首先要介绍嘅就系佢哋嘅招牌菜式，明太子汁烤三文鱼配古斯米。佢哋将新鲜嘅三文鱼烤至刚刚好熟，再配上口感绵密嘅古斯米，加埋枝豆、粟米同迷你芦笋，最后撒上丰富嘅明太子，真系令人食指大动。三文鱼嘅鲜味同明太子嘅咸香完美结合，每一口都带出丰富嘅层次感，低碳水高蛋白质，非常之推荐增肌嘅人食。另一款推介菜式系蟹肉樱花虾香辣蕃茄忌廉冬粉。呢道菜色彩缤纷，令人食指大动。里面除咗新鲜嘅蟹钳肉同樱花虾之外，亦有车厘茄同迷人嘅香辣味道。配上香浓嘅蕃茄忌廉同弹牙嘅冬粉，味道鲜美而且营养均衡。餐厅嘅饮品方面，我推荐大家试下佢哋嘅招牌饮品「宇宙星尘」。呢杯饮品富含维他命C，有助增强抵抗力同减少心血管疾病，仲有助护眼。佢哋将新鲜嘅芒果、香橙同香蕉混合，再加上杏仁奶，味道鲜甜，主要系香蕉味较重，系一杯健康又美味嘅饮品。