Chalet (已結業)

一直都听朋友赞赏CHALET呢间餐厅，今日终于有机会试下。大约六点几来到食晚餐，未算好多人，唔洗排队就可以入去。叫左两个set dinner，有前菜，餐汤，主菜同埋甜品，饮品就唔包括。餐汤系西兰花汤。够浓又滑！前菜分别叫左法式肝酱配脆片，吞拿鱼配三文鱼子。 肝酱有浓浓嘅肝味，配脆片好开胃，而且唔油腻。吞拿鱼同三文鱼子都好新鲜，”眼仔”仲识得向上。主菜就叫左法式油封鸭腿配鸭胸+芒果香橙莎莎，阿拉斯加黑鳕鱼+带子昆布汤。鸭胸油脂味重，中意食就觉得好好食。而鸭腿就啖啖肉，较少油份，外皮煎到好脆。另外鳕鱼比一般较滑身，配埋带子昆布汤，有种好配合嘅感觉，大家都系海中食物，互相辉映。至于甜品，就系面包布甸，卖相不错，而且好好食。配搭一杯Margarita, 味道提升了不少！总括而言，食物质素不错！