龍麵館 (已結業)

装潢好有气派，充满中国色彩，舞狮头、金龙....大家细心留意，唔单食餐厅环境，系连上碟都好有心思好有趣~食物样样有特色，呢度主打龙虾，除此外都仲有好多款式，以主菜为主，不过有d都几特别，而且整体黎讲，都几有新意~我地一家4个人，但食左都几多菜式，仲叫左唔少饮品，呢度有happy hour!赞~介绍下我比较欣赏的菜式：龙虾酥，卖相无得顶，打卡必点。食落酥皮香脆，馅料好多，当然啖啖龙虾肉，好滋味~龙肉炆伊，半只龙虾拆好左，食都好方便，伊面弹牙都几入味。椒盐豆腐仔，外脆内滑的口感，呢度整得相当好味~珍宝龙虾春卷，脆口而且啖啖肉，份量充足一啖绝对食唔晒，要分开慢慢食架!本来食左个个"即烧片皮鸭"，影左片唔记得影相，有师父即场切片，仲会教埋你点食，鸭皮超脆，沾上黄糖入口即溶；肉另外可以包皮加埋哈密瓜、芹菜等，超正~喜欢饮酒的话可以试下呢度嘅cocktail，好特别~承传及功夫，呢两个真系打卡首选，而且入口唔会话酒味好浓，慢慢饮可以倾下计!甜品必拣雪燕龙珠，完全系视觉加味觉嘅享受，一上台系好似仙景咁，雪燕加上晶莹剔透的玄饼，好靓真系，而且味道唔会好甜~