吉野家 (已結業)

前排有日系对面马路见到呢度原来有间吉野家，就上左黎食左个早餐。今日又想食打边炉，即刻谂起呢度，应该容易揾位。今期有两款窝，就系蟹棒窝同芝士竹轮窝咁就两样都试下啦～呢个系蟹棒窝，条蟹棒好长，冚唔到个盖味噌汤底，味噌味都几浓～青口四只，好细粒似淡菜多D，有两只甩左壳，失望。蟹棒就得个长字，我觉得冇咩特别。而我拣左韩色粉丝，一煲就林，好入味。芝士年轮窝～呢款我拣左浓汤。长蟹棒同呢个蟹棒虽然唔同味，不过我觉得质素都差不多。两款窝都有配牛肉，超韧唔系煮得耐，而系肉质差，好彩冇比多廿蚊追加！乌冬都OK啦，大约平时正常size1.5个面饼。