雲南風味過橋小鍋米綫

营业中

休息中

好耐之前问过一位司机有关长沙湾既食店，当时佢推介左呢间米线店，之后睇埋网上既评价，都赞佢米线好食，尤其系佢既气锅鸡。虽然想食，但深知一个人唔会食得哂米线加鸡。终于等到有朋友要去黄金睇电脑产品，所以就捉左佢陪我试😆。气锅鸡 $98职员一拎上枱就掀开个盖，一阵阵鸡味，非常香!🤤! 呢度系用芝麻鸡，肉唔多，两个人Share岩岩好；肉质唔滑亦唔算太鞋，可以接受；鸡无腥臭味，因为用左好多胡椒粉同酒去煮，所以只鸡几浓味。鸡下面舖左好多木耳，木耳吸哂d精华，虽然好油，但我觉得比鸡更好味😋全套过桥米线 $50原来呢度既过桥米线咁传统，汤、面、料分开上，但当我捞哂之后，职员先话我知次序应该系先落料后落面😮。呢度既米线系我食过咁多间里面，最弹牙既一间；配料当中，我比较中意腩肉，厚实又唔鞋，一改我对腩肉既印象晚上七点左右已经爆场，估唔到附近咁多美食，但呢度都不减人流😯。