小瑪哥米線

营业中

休息中

环境4分：响电车站隔离，位置非常方便。卡位好坐，够宽敞，光猛又唔嘈，可以畀四分。卫生5分：有纸巾同搓手液，自助区有饮用水自己斟，不经人手，地方干净卫生，畀五分。服务 5分：用QR Code点餐，非常方便，服务员快手快脚唔啰唆，态度十分之好，服务满分。味道5分：1)    跟餐菊花蜜好甜好润，加三蚊非常抵饮。2)    猪骨清鸡汤米线要左四个𩠌，分别系鱼豆腐，鸡翼，菜同冬菇。鸡翼好腍，鱼豆腐好松，唐生菜好爽好新鲜，冬菇就好软熟，米线够滑。3)     气锅鸡好足料，鸡汤好浓，入面有几旧鸡，连埋Ｄ鸡肶菇好入味，好味到几啖就清晒。4)     红油水饺一客半打，皮薄馅靓，唔辣但惹味。5)     金奖凉白肉都系一客半打，肥瘦分明，爽口唔嚡好味道。抵食5分：百零蚊一个人有足料鸡汤同四𩠌米线加两个小食，仲连杯热饮，非常抵，五分。