金龍冰室。 川湘菜

营业中

休息中

屋企冇煮饭，去咗大埔荣辉商场的金龙冰室食川湘菜。舖头喺商场地下非常易揾。环境🌈🌈🌈🌈🌈食物👍👍👍👍👍服务😆😆😆😆金龙招牌酸菜鱼$178金黄色嘅酸菜鱼汤汤底，汤底充满浓浓嘅酸菜味和鲜鱼味。鱼片无骨又爽口，入边仲有酸菜芽菜，仲有我最钟意食嘅薯粉。又有得食，又有得饮超幸福。辣子肥肠$108超惹味辣子肥肠，布满辣椒干肥肠红卜卜非常吸引，带动食欲。肥肠咬落去香脆，啖啖肉。仲有啲椰菜喺度，成道菜非常丰富。重庆辣子鸡$98辣辣嘅重庆辣子鸡，超滋味，未食已经流口水。香脆嘅辣子鸡，用辣椒干，香葱，蒜头，花生同埋芝麻一齐炒到干身。散发出阵阵香味，用嚟配饭一流。