劉森記麵家 (褔榮街)

营业中

休息中

今日三点几出去深水埗买嘢之后有啲肚饿就走咗入去，坐低等咗一段时间都未有人执枱，两位楼面女士可能都系时运高睇唔到张枱邋遢，当时舖头亦都唔忙，除咗我之外另外仲有总共三枱客，都系坐咗喺度想叫嘢都冇人理，不过今时今日香港饮食业请人难唔好要求咁多喇，终于叫咗一碗净云吞，一碗水饺面加碟油菜，先上云吞其中一粒竟然散晒，都由得佢啦反正仲喺只碗入边咪算啰，食云吞面嘅人第一件事梗系饮啖汤先，饮咗一啖竟然系淡而无味😳唔好讲话有虾子味啦连最基本嘅大地鱼味都冇😫以刘森记个招牌对呢啲咁嘅出品真系好失望，我哋搭枱给两个年青人每人各叫咗两碟捞粗面，上枱嘅时候竟然会系一粗一幼🤔️两个年青人唔斤斤计较照食，跟手再叫多一点捞粗面，点知嚟到竟然又系佢幼面！个人感觉而家啲所谓啦比较有少少名嘅食店都系如果唔系食物参差就系招呼全无，唔通真系唔忧做？