影片
更多
2018-07-23
10470 浏览
午饭每次去酒楼食饭，总系有大事发生，有悲有喜。所以系特别嘅时候更加需要食好啲啲。结果每次都觉得又真系唔错㖞海港荟。相比一大碟炒饭炒面，我个人对点心更加情有独钟。每次都带住期待试下唔同嘅点心，而家可以话系对边款好食啲都瞭如指掌，仅限我嘅个人喜好。只推介好吃，个人第一款要柯打嘅系水晶鲜虾肠，但其实呢度嘅牛肉肠粉，各式肠粉都唔错！皮滑厚度适中，材料十分足，做到咁已经非常可以；另外酒楼更细心甜豉油另上，咁就完全避免肠粉浸到林哂又或者索光哂，甜豉油唔够等问题。其次！腐皮素鹅个人觉得都系好好食要推介，份量大件亦同样剪好上菜，腐皮外脆内包住嘅热辣辣素鹅，馅料调味出色，必叫。而点心之中，如果你认同凤爪都有水准之分，咁你就要试下酱汁蒸凤爪，花生铺底，凤爪多肉份量有多无少，味道水准稳定，新鲜即蒸唔干身。鲍鱼烧卖皇，卖点面头一只鲍鱼无花假，虽不是超大鲍鱼，但同平时食开烧卖大小差不多，熟透到适中不会过韧，味道整体唔错。至于黑金流沙包，出于好奇柯打咗一笼，卖相果然系特别，非常少有酒楼用黑色去制作点心，但结果又几高贵，至于流沙包的确流沙，但感觉奶皇馅少咗啲，整体不俗。其实除咗以上都仲有试不同点心及小食如燕窝鲜蛋挞
只推介好吃，个人第一款要柯打嘅系水晶鲜虾肠，但其实呢度嘅牛肉肠粉，各式肠粉都唔错！皮滑厚度适中，材料十分足，做到咁已经非常可以；另外酒楼更细心甜豉油另上，咁就完全避免肠粉浸到林哂又或者索光哂，甜豉油唔够等问题。
其次！腐皮素鹅个人觉得都系好好食要推介，份量大件亦同样剪好上菜，腐皮外脆内包住嘅热辣辣素鹅，馅料调味出色，必叫。
而点心之中，如果你认同凤爪都有水准之分，咁你就要试下酱汁蒸凤爪，花生铺底，凤爪多肉份量有多无少，味道水准稳定，新鲜即蒸唔干身。鲍鱼烧卖皇，卖点面头一只鲍鱼无花假，虽不是超大鲍鱼，但同平时食开烧卖大小差不多，熟透到适中不会过韧，味道整体唔错。
至于黑金流沙包，出于好奇柯打咗一笼，卖相果然系特别，非常少有酒楼用黑色去制作点心，但结果又几高贵，至于流沙包的确流沙，但感觉奶皇馅少咗啲，整体不俗。其实除咗以上都仲有试不同点心及小食如燕窝鲜蛋挞、鲜竹牛肉球、珍珠糯米鸡、炸糯米鸡，但感觉不是太大分别就唔逐一讲了。
总结，海港荟系我系湾仔区食过嘅酒楼中，味道最好、价钱最相宜嘅一间。虽然有时因午市十分人多，所以有可能等点心或者会比较耐，但整体点心或小食予人感觉都系即叫即整，故之然新鲜都系一个几大嘅优点，起码点心唔会干争争或泥到时食物系温嘅。综合以上几点，真系可以明白点解中午午时可以咁多人。
张贴
