影片
更多
2024-07-04
1040 浏览
朋友带路，话好多人帮衬，令我满怀期望嚟试吓，点知失望而回🥲▫️五香肉丁 煎鸡柳面▫️肉丁和鸡柳嘅份量好多，感觉差唔多系一罐肉丁嘅份量，非常有诚意。但系，冇谂过店舖会将整罐肉丁嘅汁都倒入面内，令到汤底好油好红，大大扣分。个人宁愿汤底系味精粉，都好过成碗红油。至于鸡柳，相信有用葱蒜腌制过，但系味道不突出。▫️沙嗲牛肉通粉▫️沙嗲汁几好味，唔算好浓郁个款，冇乜食到花生香，牛肉份量十足，但对比10年前感觉味道已经差好远，通粉份量都算多，我谂下次会叫其他嘢食。▫️酥炸猪扒▫️似系台式猪扒，炸到好干身，柴皮肉，有点硬，水准大不如前。▫️奶茶红豆冰▫️成餐饭最有惊喜就系呢杯奶茶红豆冰。但系茶味唔够，略嫌过甜，建议嗌少甜。虽然今次有啲失望，但系事后睇返OpenRice好多人赞好，估计会再俾多次机会，下次会试吓捞丁，炸鸡扒。P.S. 熟食市场嘅旧式茶档竟然用QR code落单，肯与时并进嘅店舖抵赞👍🏻
▫️五香肉丁 煎鸡柳面▫️
肉丁和鸡柳嘅份量好多，感觉差唔多系一罐肉丁嘅份量，非常有诚意。但系，冇谂过店舖会将整罐肉丁嘅汁都倒入面内，令到汤底好油好红，大大扣分。个人宁愿汤底系味精粉，都好过成碗红油。至于鸡柳，相信有用葱蒜腌制过，但系味道不突出。
▫️沙嗲牛肉通粉▫️
沙嗲汁几好味，唔算好浓郁个款，冇乜食到花生香，牛肉份量十足，但对比10年前感觉味道已经差好远，通粉份量都算多，我谂下次会叫其他嘢食。
▫️酥炸猪扒▫️
似系台式猪扒，炸到好干身，柴皮肉，有点硬，水准大不如前。
▫️奶茶红豆冰▫️
成餐饭最有惊喜就系呢杯奶茶红豆冰。但系茶味唔够，略嫌过甜，建议嗌少甜。
虽然今次有啲失望，但系事后睇返OpenRice好多人赞好，估计会再俾多次机会，下次会试吓捞丁，炸鸡扒。
P.S. 熟食市场嘅旧式茶档竟然用QR code落单，肯与时并进嘅店舖抵赞👍🏻
张贴
