意八餐廳 (已結業)

今晚爸妈同家姐出去食饭，得返我一个人，我放工打算在街食埋饭先返屋企，搭车经过愉翠苑，就看下商场有什么好吃，去到这间食店，就不其然入了去，因为每次对这间食店都颇有信心，所以谂都无谂就入去坐下。睇完餐牌，我好快就已经选好想食的东西，我今晚选了一个咖喱牛坑腩珍珠饭，另外再叫了一杯冻朱古力。咖喱牛坑腩珍珠饭上枱，饭同咖喱牛坑腩系分开上，咖喱牛坑腩入面有牛坑腩外，还有几旧炸过的薯仔，个咖喱汁做得好香，有点辣，牛坑腩好腍，份量唔少，每旧的大细平均，味道好入味，薯仔炸过再加入咖喱入面烹调，所以不会令到薯仔溶在咖喱入面，薯仔煮得唔会太腍，刚刚好，白饭采用珍珠，饭有点烟靱，好有口感，加埋咖喱一齐食，真系一乐也！加埋一杯冻朱古力，朱古力味浓，甜度适中，每次来这里都觉得水准依然，抵佢常常都有好多人排长龙的！