Mamaday (已搬遷) 新店位置

尖沙咀早排开咗mamaday分店，试过铜锣湾店嘅我本身好期待，谂住开心share佢嘅美味俾其他人，点知当晚嘅食物质素真系麻麻地，感觉比铜锣湾店逊色。-唔好抱咁大期望蒲烧鳗鱼蛋包饭 $124之前系铜锣湾店食过原条，所以今次叫半条都好够喉。味道同铜锣湾食过嘅印象中唔太一样，虽然蛋依然嫩滑，蛋浆都浓郁，但炒饭调味较浓，有啲抢去焦点。可能木鱼丝份量偏多，成碟饭有好强嘅烟熏味，个人唔太钟意。-蒜蓉虎虾比萨 $136薄身pizza配蒜蓉香气逼人，味道可口。可惜部分pizza烤㶶咗，批边入口略苦。虎虾几弹牙，但配搭嘅酱料同洋葱少辣同少许苦涩。-焦糖脆脆窝夫 $78窝夫质感偏硬，入口虽香口，但如果更软身或淋上糖浆会更好。另伴有海盐雪糕、焦糖脆脆同一兜似有咸忌廉嘅东西。海盐雪糕味道好出，个人唔太好海盐雪糕，但配上咸香嘅窝夫，别有一番风味。单食焦糖脆脆实在太苦，且口感过于黏腻，极度痴牙。而咸忌廉真系好咸，呢两样配搭窝夫都补救唔到。