海南少爺 (已結業)

之前喺海港城买嘢储落一堆优惠卷💵，三月底到期，无得堂食但又唔想嘥咗去，于是就决定揾晚放工去买外卖。睇完商户名单之后就拣咗「海南少爷」。好彩我早嚟一步，餐厅晚市外卖只做到八点钟左右🥡，而且菜式亦有限度供应，不过款款都系招牌菜，仲有折扣优惠添。即使系外卖，食物卖相仍然好吸引，而且份量颇多的。我叫咗四份主菜，谂住四个人食啱啱好，点知都食唔晒，仲可以留返啲第日做晏👍！招牌海南鸡配油饭及鸡汤($200/半只)，套餐嘅每一部份都处理得好出色😋。海南鸡鸡皮富有弹性，食落唔觉腻，而鸡肉肉质就好嫩滑，兼且肉味浓郁，唔系雪到无厘味道𠮶种。鸡翼以外，全部鸡件均去咗骨，让人满足🥡。同时，三色酱料亦唔马虎。油饭软熟，渗透出淡淡黄姜味；而鸡汤清澈无味精，饮完唔会口干。不过半只鸡先配一碗饭同汤就显得有啲唔够喉🙈。印尼炒饭配沙嗲串烧($100)，炒饭大盒到一个点🍚，可以分到三至四碗，唔系讲笑。除咗饭量多之外，𩠌料亦非常丰富，🍢沙嗲串烧猪同鸡各一串，唔会烧到干噌噌。炒饭里头仲有煎蛋、鲜虾、虾片同青瓜粒等。🇮🇩印尼炒饭炒至好深色，惹味得嚟而非重口味，东南亚风情十足。炒贵刁($100)，🥘呢碟贵刁同平日茶餐厅食到嘅有啲唔同